ՀայերենEnglishРусский
 
Վերջին փոփոխությունները` 01/12/2019
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Ելույթներ / Ելույթներ
 

 
Ձեր էլ. փոստի հասցեն:
 

Ելույթներ


Արցախի Հանրապետության Նախագահ Բակո Սահակյանի Ե լ ու յ թ ը Ոստիկանության օրվա առթիվ կազմակերպված հանդիսավոր միջոցառմա ժամանակ

/Ստեփանակերտ, 16 ապրիլի 2012թ./


Ոստիկանության հարգելի աշխատակիցներ եւ վետերաններ,

Ի սրտե շնորհավորում եմ ձեզ մասնագիտական տոնի եւ Ոստիկանության 10-ամյա հոբելյանի կապակցությամբ:
Տոնական այս պահին ես նախեւառաջ գլուխ եմ խոնարհում Արցախյան ազատամարտում եւ իրենց ծառայողական պարտականությունները կատարելիս նահատակված բոլոր ոստիկանների հիշատակի առջեւ: Հավե~րժ փառք ու պատիվ մեր երախտավորներին:
Այս օրը եւս մեկ առիթ է անդրադառնալու ձեր աշխատանքին: Գոհունակությամբ եմ արձանագրում, որ վերջին տարիներին Լեռնային Ղարաբաղի Հանրապետության ոստիկանության համակարգում, ընդհանուր առմամբ, իրականացվել են զգալի դրական փոփոխություններ ու տեղաշարժեր:
Առաջին հերթին կուզենայի նշել այն փաստը, որ 2011 թվականին հանցագործությունների թիվը նվազել է 99-ով: Հանրապետությունում 10 հազար բնակչին ընկնող հանցագործությունների թիվը շարունակաբար նվազում է եւ կազմել է 25,6` 2010 թվականի 33-ի դիմաց: Սա համաշխարհային մասշտաբով ամենացածր ցուցանիշներից է, ինչը վկայում է մեր երկրում հասարակական անվտանգության բարձր մակարդակի մասին:
Գոհացուցիչ է հանցագործությունների բացահայտման բարձր ցուցանիշը` շուրջ 91 տոկոս: Սակայն անհրաժեշտ է էլ ավելի հետեւողական աշխատանք տանել այս ցուցանիշը, ինչպես նաեւ նախկին տարիներին կասեցված քրեական գործերով բացահայտման արդյունավետությունը բարձրացնելու ուղղությամբ: Կան նաեւ չբացահայտված ծանր եւ առանձնապես ծանր հանցագործություններ, ինչը անթույլատրելի է:
Որպես առաջնային խնդիր պետք է դիտվի լատենտային բնույթ կրող հանցագործությունների հայտնաբերումը: 2011 թվականին 2010-ի համեմատությամբ այս ցուցանիշը 16 դեպքով աճել է: Սակայն այստեղ անելիքներ դեռեւս շատ կան:
Հանցավորության դեմ պայքարն ավելի արդյունավետ դարձնելու համար պետք է հետեւողական աշխատանք տանել առաջին հերթին հանցագործությունների նախականխման եւ կանխման ուղղությամբ: Այս համատեքստում կարեւոր է ընդլայնել ու ավելի խորացնել համագործակցությունը ինչպես ոստիկանության ստորաբաժանումների միջեւ, այնպես էլ համապատասխան այլ կառույցների հետ: Առանցքային է նաեւ Հայաստանի Հանրապետության ոստիկանության ու այլ պետական մարմինների հետ կապերի սերտացումը:
Խնդիրներ կան ճանապարհային երթեւեկության անվտանգության ապահովման ոլորտում, որոնք մեծապես կապված են նաեւ երթեւեկության ինտենսիվության շարունակական աճի, ճանապարհների թողունակության հետ: Ես իրազեկված եմ ճանապարհատրանսպորտային պատահարների նախականխման եւ անվտանգ երթեւեկության ապահովման ուղղությամբ տարված ծավալուն աշխատանքների մասին: Սակայն այստեղ դեռեւս կան չլուծված խնդիրներ, ինչի մասին է խոսում նաեւ ճանապարհատրանսպորտային պատահարների թվի զգալի աճը: Անհրաժեշտ է ոլորտում իրավիճակը շտկելու նպատակով անցկացնել համալիր միջոցառումներ:
Ոստիկանության առջեւ դրված խնդիրների արդյունավետ լուծումը մեծապես կախված է կադրային ճիշտ քաղաքականությունից, այդ թվում` կարգապահության, կադրերի ընտրության եւ ճիշտ տեղաբաշխման հարցերից: Այդ ուղղությամբ պետք է տանել շարունակական աշխատանք:
Ամբողջ կառույցի եւ յուրաքանչյուր ոստիկանի սկզբունքային ու նպատակասլաց աշխատանքի շնորհիվ են նաեւ մեր հանրապետությունում պահպանվում օրինականությունը, հասարակական կարգն ու կանոնը, պաշտպանվում քաղաքացիների շահերն ու իրավունքները: Դրանք մեր պետության կենսագործունեության այն կարեւորագույն ոլորտներից են, որոնք մշտապես գտնվում են թե իշխանությունների եւ թե հասարակության ուշադրության կենտրոնում: Եվ բնական է, որ այստեղ առկա ինչպես դրական միտումները, այնպես էլ բացթողումներն ու թերացումներն անմիջապես համապատասխան արձագանք են ստանում բնակչության կողմից: Այդ իսկ պատճառով ոստիկանության աշխատակիցներին ներկայացվող պահանջներն ավելի խիստ են ու կտրուկ:
Ուզում եմ վստահ լինել, որ ոստիկանության ղեկավարությունը եւ յուրաքանչյուր ծառայող այսուհետ էլ կանեն հնարավորը դրված խնդիրները արդյունավետ կերպով լուծելու համար: Իսկ պետության կողմից համակարգի նկատմամբ ցուցաբերվող հոգածությունը լինելու է շարունակական եւ կրելու է հետեւողական բնույթ:
Հարգարժան ոստիկաններ,
Մեկ անգամ եւս շնորհավորում եմ այս հիշարժան տոնի առթիվ եւ մաղթում խաղաղություն, քաջառողջություն ու մեծագույն հաջողություններ ձեզ եւ ձեր ընտանիքներին:
Շնորհակալություն:

 

2012-04-16



2019-10-11Ելույթ «Համագործակցություն հանուն արդարության եւ խաղաղության» խորագրով համաժողովի բացման ժամանակ
2019-08-07Ողջույնի խոսք Համահայկական 7-րդ ամառային խաղերի բացման հանդիսավոր արարողության ժամանակ
2019-06-01Արցախի Հանրապետության Նախագահ Բակո Սահակյանի Ողջունի խոսքը Անկախ ֆուտբոլային ասոցիացիաների կոնֆեդերացիայի (ԿՈՆԻՖԱ) Եվրոպայի առաջնության բացման հանդիսավոր արարողության ժամանակ
2018-08-14Արցախի Հանրապետության Նախագահ Բակո Սահակյանի Ե լ ու յ թ ը Անվտանգության խորհրդի նիստում
2018-02-13Արցախի Հանրապետության Նախագահ Բակո Սահակյանի ելույթը Արցախյան շարժման 30-ամյակին նվիրված հանրահավաքի ժամանակ
2017-10-16Նախագահ Սահակյանի ելույթը ԱՀ Նախագահի 2017-2020թթ. ծրագրի հիմնական դրույթներին նվիրված ընդլայնված խորհրդակցության ժամանակ
2016-05-08Ելույթ Եռատոնի կապակցությամբ պարգեւատրման հանդիսավոր արարողության ժամանակ
2012-12-26Արցախի Հանրապետության Նախագահ Բակո Սահակյանի Ե լ ու յ թ ը գործարար միջավայրի ներկայացուցիչների հետ հանդիպմանը
2012-12-25Արցախի Հանրապետության Նախագահ Բակո Սահակյանի Ե լ ո ւ յ թ ը 2012թ. արդյունքների ամփոփմանը նվիրված Պաշտպանության բանակի ռազմական խորհրդի նիստում
2012-11-17Ցավակցական հեռագիր Արցախյան շարժման վետերան Վիգեն Հայրապետյանի ընտանիքին
2012-11-09Նախագահ Սահակյանի ողջույնի խոսքը «Հայաստան» համահայկական հիմնադրամի Գալա-երեկոյի ժամանակ
2012-09-16Ուղերձ <<Մարդը եւ տիեզերքը>> գիտաժողովի մասնակիցներին
2012-09-07Նախագահ Սահակյանի ելույթը երդմնակալության արարողության ժամանակ
2012-05-09Շշնորհավորական խոսք Հաղթանակի տոնի, պաշտպանության բանակի եւ Շուշիի ազատագրման 20-ամյակի առթիվ ԼՂՀ զինված ուժերի զորահանդեսի ժամանակ
2012-04-16Արցախի Հանրապետության Նախագահ Բակո Սահակյանի Ե լ ու յ թ ը Ոստիկանության օրվա առթիվ կազմակերպված հանդիսավոր միջոցառմա ժամանակ
2011-12-28Նախագահ Սահակյանի ողջույնի խոսքը ԼՂՀ բոլոր գումարումների Ազգային ժողովի պատգամավորների հավաք-հանդիպմանը
2011-12-21Արցախի Հանրապետության Նախագահ Բակո Սահակյանի Ողջույնի խոսքը «Հայաստան» համահայկական հիմնադրամի գալա երեկոյի ժամանակ
2011-12-14Նախագահ Սահակյանի ելույթը <<Արցախի ազատամարտիկների միություն>> 5-րդ համաժողովում
2011-11-20Արցախի Հանրապետության Նախագահ Բակո Սահակյանի Ե լ ու յ թ ը <<Հեռուստամարաթոն-2011>>-ի շրջանակներում կազմակերպված գալա երեկոյի ժամանակ
2011-11-04Արցախի Հանրապետության Նախագահ Բակո Սահակյանի Ե լ ու յ թ ը Ամենայն հայոց կաթողիկոս Գարեգին Բ-ի ծննդյան 60-ամյակին եւ գահակալության 12-րդ տարեդարձին նվիրված տոնական միջոցառման ժամանակ

photo
 
 
photo
 
 
© 2007—2019 ԼՂՀ Նախագահի աշխատակազմ
Made in ArattaDesign