ՀայերենEnglishРусский
 
Վերջին փոփոխությունները` 12/12/2019
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Ելույթներ / Ելույթներ
 

 
Ձեր էլ. փոստի հասցեն:
 

Ելույթներ


Նախագահ Սահակյանի ողջույնի խոսքը ԼՂՀ բոլոր գումարումների Ազգային ժողովի պատգամավորների հավաք-հանդիպմանը

Արցախի Հանրապետության Նախագահ Բակո Սահակյանի Ողջույնի խոսքը ԼՂՀ բոլոր գումարումների Ազգային ժողովի պատգամավորների հավաք-հանդիպմանը` նվիրված ԼՂՀ-ում առաջին գումարման Գերագույն խորհրդի պատգամավորների ընտրությունների օրվան


/Ստեփանակերտ, 28 դեկտեմբերի 2011թ./


Սրբազան Հայր,
Հարգարժան պատգամավորներ,
Թանկագին հյուրեր,
Տիկնայք եւ պարոնայք,

Ուրախ եմ ողջունել ձեզ` ԼՂՀ բոլոր գումարումների Ազգային ժողովի պատգամավորների հավաք-հանդիպման մասնակիցներին, եւ շնորհավորել ԼՂՀ-ում առաջին գումարման Գերագույն խորհրդի պատգամավորների ընտրությունների օրվա կապակցությամբ: Դա հիշարժան օր է, որը կարեւորագույն նշանակություն ունեցավ մեր նորանկախ պետականության կերտման գործում:
20 տարի առաջ` 1991 թվականի դեկտեմբերի 28-ի ընտրությունները դարձան ժողովրդավարության ուղին բռնած Արցախի Հանրապետության կայացման առաջին քայլերից մեկը: Ձեւավորվեց օրենսդիր մարմինը, որին վիճակված էր ընդունել մեր պետական անկախության մասին հռչակագիրը` օրենսդրորեն ամրագրելով Անկախության հանրաքվեի արդյունքները, կազմավորել պետական կառավարման մարմինները, ստեղծել օրենսդրական դաշտ, ապահովել պետության լիարժեք կենսագործունեության համար անհրաժեշտ պայմաններ: Եվ այդ ամենի նշանակությունը կրկնապատկվում է, եթե հաշվի առնենք, որ երկիրը գտնվում էր մեզ պարտադրված պատերազմի մեջ: Դա յուրօրինակ սխրանք էր, հայրենասիրության լավագույն դրսեւորում:
ԼՂՀ-ում առաջին գումարման Գերագույն խորհրդի պատգամավորների առջեւ դրված էին չափազանց բարդ ու պատասխանատու խնդիրներ, որոնց ճիշտ ու արդյունավետ լուծումից էր նաեւ կախված մեր ժողովրդի ապագան: Նրանցից ոմանք իրենց կյանքը նվիրաբերեցին հայրենիքի պաշտպանության գործին: Հավե~րժ փառք ու պատիվ մեր նահատակներին:
20 տարվա բարձունքից կարող ենք հպարտությամբ արձանագրել, որ մեր հանրապետությունն այսօր գտնվում է բոլորովին նոր մակարդակի վրա, եւ դրանում անկասկած մեծ է ձեզնից յուրաքանչյուրի ներդրումը: Վստահ եղեք, որ սերունդներն արժանիորեն կգնահատեն ձեր ջանքերը, ինչի շնորհիվ կայուն հիմք դրվեց Արցախի հետագա զարգացման համար:
Թանկագին բարեկամներ,
Այս ամենը չի նշանակում, որ մենք այլեւս անելիք չունենք: Ընդհակառակը, մեր առջեւ ծառացած են լրջագույն խնդիրներ, որոնց լուծման համար մեզնից պահանջվում է համախմբված, սկզբունքային ու հետեւողական աշխատանք: Օրենսդրական դաշտի կատարելագործումը, միջխորհրդարանական կապերի ընդլայնումը, Արցախի պաշտպանունակության ամրապնդմանն ու միջազգային ճանաչմանն ուղղված ջանքերի ակտիվացումը այն հրատապ հարցերից են, որ գտնվում են մեր Ազգային ժողովի օրակարգում:
Հարգարժան ներկաներ,
Մեր այս հանդիպումը տեղի է ունենում Ամանորի եւ Սուրբ Ծննդյան տոների նախաշեմին: Օգտվելով առիթից` ուզում եմ շնորհավորել բոլորիդ գալիք Նոր տարին եւ մաղթել խաղաղություն, քաջառողջություն ու ամենայն բարիք` հանուն մեր հայրենի երկրի ու ժողովրդի ծաղկուն եւ բարեկեցիկ ապագայի: Թող 2012 թվականը նորանոր հաջողություններ բերի Արցախի Հանրապետությանը եւ ձեզ բոլորիդ:
Շնորհակալություն:

 

 

2011-12-28



2019-10-11Ելույթ «Համագործակցություն հանուն արդարության եւ խաղաղության» խորագրով համաժողովի բացման ժամանակ
2019-08-07Ողջույնի խոսք Համահայկական 7-րդ ամառային խաղերի բացման հանդիսավոր արարողության ժամանակ
2019-06-01Արցախի Հանրապետության Նախագահ Բակո Սահակյանի Ողջունի խոսքը Անկախ ֆուտբոլային ասոցիացիաների կոնֆեդերացիայի (ԿՈՆԻՖԱ) Եվրոպայի առաջնության բացման հանդիսավոր արարողության ժամանակ
2018-08-14Արցախի Հանրապետության Նախագահ Բակո Սահակյանի Ե լ ու յ թ ը Անվտանգության խորհրդի նիստում
2018-02-13Արցախի Հանրապետության Նախագահ Բակո Սահակյանի ելույթը Արցախյան շարժման 30-ամյակին նվիրված հանրահավաքի ժամանակ
2017-10-16Նախագահ Սահակյանի ելույթը ԱՀ Նախագահի 2017-2020թթ. ծրագրի հիմնական դրույթներին նվիրված ընդլայնված խորհրդակցության ժամանակ
2016-05-08Ելույթ Եռատոնի կապակցությամբ պարգեւատրման հանդիսավոր արարողության ժամանակ
2012-12-26Արցախի Հանրապետության Նախագահ Բակո Սահակյանի Ե լ ու յ թ ը գործարար միջավայրի ներկայացուցիչների հետ հանդիպմանը
2012-12-25Արցախի Հանրապետության Նախագահ Բակո Սահակյանի Ե լ ո ւ յ թ ը 2012թ. արդյունքների ամփոփմանը նվիրված Պաշտպանության բանակի ռազմական խորհրդի նիստում
2012-11-17Ցավակցական հեռագիր Արցախյան շարժման վետերան Վիգեն Հայրապետյանի ընտանիքին
2012-11-09Նախագահ Սահակյանի ողջույնի խոսքը «Հայաստան» համահայկական հիմնադրամի Գալա-երեկոյի ժամանակ
2012-09-16Ուղերձ <<Մարդը եւ տիեզերքը>> գիտաժողովի մասնակիցներին
2012-09-07Նախագահ Սահակյանի ելույթը երդմնակալության արարողության ժամանակ
2012-05-09Շշնորհավորական խոսք Հաղթանակի տոնի, պաշտպանության բանակի եւ Շուշիի ազատագրման 20-ամյակի առթիվ ԼՂՀ զինված ուժերի զորահանդեսի ժամանակ
2012-04-16Արցախի Հանրապետության Նախագահ Բակո Սահակյանի Ե լ ու յ թ ը Ոստիկանության օրվա առթիվ կազմակերպված հանդիսավոր միջոցառմա ժամանակ
2011-12-28Նախագահ Սահակյանի ողջույնի խոսքը ԼՂՀ բոլոր գումարումների Ազգային ժողովի պատգամավորների հավաք-հանդիպմանը
2011-12-21Արցախի Հանրապետության Նախագահ Բակո Սահակյանի Ողջույնի խոսքը «Հայաստան» համահայկական հիմնադրամի գալա երեկոյի ժամանակ
2011-12-14Նախագահ Սահակյանի ելույթը <<Արցախի ազատամարտիկների միություն>> 5-րդ համաժողովում
2011-11-20Արցախի Հանրապետության Նախագահ Բակո Սահակյանի Ե լ ու յ թ ը <<Հեռուստամարաթոն-2011>>-ի շրջանակներում կազմակերպված գալա երեկոյի ժամանակ
2011-11-04Արցախի Հանրապետության Նախագահ Բակո Սահակյանի Ե լ ու յ թ ը Ամենայն հայոց կաթողիկոս Գարեգին Բ-ի ծննդյան 60-ամյակին եւ գահակալության 12-րդ տարեդարձին նվիրված տոնական միջոցառման ժամանակ

photo
 
 
photo
 
 
© 2007—2019 ԼՂՀ Նախագահի աշխատակազմ
Made in ArattaDesign