ՀայերենEnglishРусский
 
Վերջին փոփոխությունները` 13/04/2021
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Արայիկ Վլադիմիրի Հարությունյան
Home
/ Ելույթներ / Ուղերձներ
 

 
Ձեր էլ. փոստի հասցեն:
 

Ուղերձներ


Շնորհավորական ուղերձ Ամանորի եւ Սուրբ Ծննդյան տոների կապակցությամբ

Սիրելի՛ արցախցիներ,

Ահա եւ եկել է պահը, երբ պետք է հրաժեշտ տանք 2015 թվականին:
Ամեն անցնող տարի իր անջնջելի հետքն է թողնում պատմության մեջ եւ մեր կյանքում, ինչպես նաեւ իր հետ տանում է մեր կյանքի մի մասնիկը` տեղ բացելով նորի համար` նոր հաջողությունների, նոր ձեռքբերումների ու արարումների: Հենց այդ հույսով ու ակնկալիքով էլ մենք դիմավորում ենք Նոր տարին` 2016 թվականը, որը բոլորիս համատեղ ջանքերի շնորհիվ պետք է ավելի արդյունավետ ու բարեհաջող լինի մեր երկրի ու ժողովրդի, Արցախի յուրաքանչյուր ընտանիքի համար: Այդպիսինն են մեր ցանկություններն ու սպասելիքները:
Սակայն, մենք ապրում ենք աշխարհաքաղաքական բարդ ու դժվարին պայմաններում, ինչը, բնականաբար, իր ազդեցությունն է ունենում նաեւ մեր տարածաշրջանի եւ հանրապետության կենսագործունեության վրա: Եվ միասնական ուժերով, Հայաստանի եւ Սփյուռքի մեր քույրերի ու եղբայրների հետ ձեռք ձեռքի անում ենք հնարավորը՝ լուծելու ծառացած խնդիրները, զարգացնելու տնտեսությունը, առաջընթաց գրանցելու տարբեր ոլորտներում:
Այդ խնդիրների շարքում առանձնակի են մեր ժողովրդի եւ պետության անվտանգության ու պաշտպանունակության հարցերը: Պաշտպանության բանակի շարունակական զորացումը եւ մարտունակության մակարդակի բարձրացումը եղել է ու լինելու է մեր ռազմավարական գերակա ուղղություններից մեկը եւ միշտ գտնվելու է պետության հատուկ ուշադրության կենտրոնում:
Մեր հերոսական բանակի զինվորների քաջության ու խիզախության շնորհիվ անցնող տարում կասեցվել են հակառակորդի բոլոր ստոր ու սադրիչ գործողությունները, եւ նա, կրելով մեծ կորուստներ, ետ է շպրտվել իր ելման դիրքերը: Ցավոք, հայրենիքը պաշտպանելիս իրենց կյանքն են զոհաբերել մեր քաջ հայորդիները: Նրանց անունները ոսկե տառերով են գրվել Արցախի Հանրապետության եւ հայ ժողովրդի տարեգրության մեջ:

Թանկագի՛ն բարեկամներ,

Քիչ հետո բոլորս տոնական սեղանների շուրջ կդիմավորենք Նոր տարին: Ես ուզում եմ նախ եւ առաջ շնորհավորել նրանց, ովքեր այս պահին գտնվում են խրամատներում եւ պաշտպանում են մեր խաղաղությունն ու անվտանգությունը: Ուզում եմ շնորհավորել պաշտպանության բանակի ողջ անձնակազմին: Փա՛ռք ու պատիվ մեր զինվորներին:
Շնորհավորում եմ զոհված ազատամարտիկների եւ զինվորների ընտանիքներին: Մեր նահատակված ընկերները միշտ մեզ հետ են, մեր կողքին. նրանք ներկա են մեր կատարած գործերում եւ մեր հիշողության մեջ:
Շնորհավորում եմ մեր հայրենակիցներին Արցախում, Հայաստանում եւ Սփյուռքում: Մաղթում եմ բոլորին խաղաղություն, քաջառողջություն, բարօրություն եւ անսասան հավատ վաղվա օրվա, մեր երկրի պայծառ ու լուսավոր ապագայի հանդեպ:
Թող գալիք տարին, որը կնշանավորի Արցախի Հանրապետության անկախության 25-ամյակը, լինի նոր հաջողությունների ու ձեռքբերումների, մեր ժողովրդի կենսամակարդակի բարձրացման, սոցիալ-տնտեսական իրավիճակի բարելավման տարի:
Եվ թող այս տոնական տրամադրությունը տիրի ձեր օջախներում ամբողջ տարվա ընթացքում` պարգեւելով ձեզ ուրախություն, երջանկություն եւ ամենայն բարիք:

Շնորհավոր Ամանոր եւ Սուրբ Ծնունդ:

ք.Ստեփանակերտ, 31 դեկտեմբերի 2015թ.

 

2015-12-31



2021-03-23Արցախի Հանրապետության Նախագահ Արայիկ Հարությունյանի ուղերձը պատերազմի հետևանքների, առկա մարտահրավերների և տարբեր ոլորտներում իշխանությունների անելիքների վերաբերյալ
2021-02-20Արցախի Հանրապետության նախագահ Արայիկ Հարությունյանի ուղերձը Արցախի վերածննդի օրվա առթիվ
2020-12-10Արցախի Հանրապետության Նախագահ Արայիկ Հարությունյանի ուղերձը ԼՂՀ պետական անկախության մասին հանրաքվեի և Սահմանադրության օրվա առթիվ
2020-09-01Արցախի Հանրապետության նախագահ Արայիկ Հարությունյանի Ուղերձը գիտելիքի և դպրության օրվա առթիվ
2020-06-20Արցախի Հանրապետության Նախագահ Արայիկ Հարությունյանի շնորհավորական ուղերձը Բուժաշխատողի օրվա առթիվ
2020-05-28Արցախի Հանրապետության նախագահ Արայիկ Հարությունյանի Շնորհավորական ուղերձը Հայաստանի Առաջին Հանրապետության օրվա առթիվ
2020-05-23Ուղերձ «Վերջին զանգի» առթիվ
2020-04-12Ուղերձ Արցախի Հանրապետությունում արտակարգ իրավիճակ հայտարարելու մասին
2019-06-23Շնորհավորական ուղերձ ՀՀ Նախագահ Արմեն Սարգսյանին
2018-04-24Արցախի Հանրապետության Նախագահ Բակո Սահակյանի Ու ղ ե ր ձ ը Ցեղասպանության զոհերի հիշատակի օրվա կապակցությամբ
2017-12-31Շնորհավորական ուղերձ Ամանորի եւ Սուրբ Ծննդյան տոների կապակցությամբ
2017-09-02Շնորհավորական ուղերձ Արցախի Հանրապետության օրվա առթիվ
2017-04-24Ուղերձ Ցեղասպանության զոհերի հիշատակի օրվա կապակցությամբ
2017-04-01Ուղերձ Ապրիլյան քառօրյա պատերազմի տարելիցի կապակցությամբ
2017-03-08Շնորհավորական ուղերձ Կանանց միջազգային օրվա առթիվ
2017-02-23Ուղերձ Հայրենիքի պաշտպանի օրվա առթիվ
2017-02-20Շնորհավորական ուղերձ Արցախի վերածննդի օրվա առթիվ
2016-12-31Շնորհավորական ուղերձ Ամանորի եւ Սուրբ Ծննդյան տոների կապակցությամբ
2016-09-02Շնորհավորական ուղերձ Արցախի Հանրապետության օրվա առթիվ
2016-05-09Ուղերձ Հաղթանակի տոնի, ԼՂՀ պաշտպանության բանակի եւ Շուշիի ազատագրման օրվա առթիվ

photo
 
 
photo
 
 
© 2007—2021 ԼՂՀ Նախագահի աշխատակազմ
Made in ArattaDesign