ԼՂՀ տոներ և հիշատակի օրեր

Ամանոր (նշվում է դեկտեմբերի 31-ից հունվարի 2-ը ներառյալ), նախածննդյան օրեր (հունվարի 3-ը, 4-ը, 5-ը), Սուրբ Ծնունդ եւ Հայտնություն (նշվում է հունվարի 6-ին), ոչ աշխատանքային օրեր:

Սուրբ Ծննդյան ու Հայտնության տոնին հաջորդող Մեռելոց հիշատակի օր՝ նշվում է հունվարի 7-ին, ոչ աշխատանքային օր:

Հայրենյաց պաշտպանի օր՝ նշվում է հունվարի 28-ին, ոչ աշխատանքային օր:

Արցախի վերածննդի օր՝ նշվում է փետրվարի 20-ին:

Մայրենի լեզվի օր՝ նշվում է փետրվարի 21-ին:

Ադրբեջանի կողմից կազմակերպված ջարդերի զոհերի հիշատակի եւ բռնագաղթված հայ բնակչության իրավունքների պաշտպանության օր՝ նշվում է փետրվարի 28-ին:

Կանանց միջազգային օր՝ նշվում է մարտի 8-ին:

Մայրության եւ գեղեցկության տոն՝ նշվում է ապրիլի 7-ին, ոչ աշխատանքային օր:

Ցեղասպանության զոհերի հիշատակի օր՝ նշվում է ապրիլի 24-ին, ոչ աշխատանքային օր:

Աշխատավորների համերաշխության միջազգային օր՝ նշվում է մայիսի 1-ին, ոչ աշխատանքային օր:

Հաղթանակի տոն, Արցախի Հանրապետության պաշտպանության բանակի եւ Շուշիի ազատագրման օր՝ նշվում է մայիսի 9-ին, ոչ աշխատանքային օր:

Ընտանիքի օր՝ նշվում է մայիսի 15-ին:

Հայաստանի Առաջին Հանրապետության օր՝ նշվում է մայիսի 28-ին, ոչ աշխատանքային օր:

Երեխաների իրավունքների պաշտպանության օր՝ նշվում է հունիսի 1-ին:

Բռնադատվածների օր՝ նշվում է հունիսի 14-ին:

Հայրենիքի համար նահատակվածների եւ անհայտ կորածների հիշատակի օր՝ նշվում է հունիսի 29-ին:

Գիտելիքի եւ դպրության օր՝ նշվում է սեպտեմբերի 1-ին:

Արցախի Հանրապետության օր՝ նշվում է սեպտեմբերի 2-ին, ոչ աշխատանքային օր:

Ուսուցչի օր՝ նշվում է հոկտեմբերի 5-ին:
Թարգմանչաց տոն՝ նշվում է հոկտեմբերի երկրորդ շաբաթ օրը:

Երկրաշարժի զոհերի հիշատակի օր՝ նշվում է դեկտեմբերի 7-ին:

Մարդու հիմնարար իրավունքների, անկախության հանրաքվեի եւ Սահմանադրության օր՝ նշվում է դեկտեմբերի 10-ին, ոչ աշխատանքային օր:

***

Արցախի Հանրապետությունում կարող են նշվել նաեւ ավանդական եւ եկեղեցական տոներ, միջազգային օրեր, իսկ Արցախի Հանրապետության կառավարության որոշմամբ՝ մասնագիտական այլ տոներ ու հիշատակի օրեր: