ՀայերենEnglishРусский
 
Վերջին փոփոխությունները` 19/01/2023
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Արայիկ Վլադիմիրի Հարությունյան
Home
/ Նորություններ / Աշխատանքային հանդիպումներ
 

 
Ձեր էլ. փոստի հասցեն:
 

Աշխատանքային հանդիպումներ


ԱՀ նախագահ Արայիկ Հարությունյանի գլխավորությամբ կայացել է Շուշիի տեխնոլոգիական համալսարանի հոգաբարձուների խորհրդի նիստը

Արցախի Հանրապետության նախագահ Արայիկ Հարությունյանի գլխավորությամբ օգոստոսի 24-ին կայացել է Շուշիի տեխնոլոգիական համալսարանի հոգաբարձուների նորակազմ խորհրդի առաջին նիստը։

Օրակարգում ընդգրկված էին Շուշիի տեխնոլոգիական համալսարանի հոգաբարձուների խորհրդի նոր նախագահ և քարտուղար ընտրելու, ռեկտորի պաշտոնի համար մրցույթ հայտարարելու, կազմակերպչական կառուցվածքի մեջ փոփոխություններ իրականացնելու, շենքային պայմանների հետ կապված մի շարք հարցեր:

Հոգաբարձուների խորհրդի անդամների միաձայն քվեարկությամբ՝ խորհրդի նախագահ է ընտրվել տեխնիկական գիտությունների դոկտոր, պրոֆեսոր Հովհաննես Թոքմաջյանը, իսկ քարտուղար՝ համալսարանի ուսանող Արմավիր Գալստյանը: Նախքան ռեկտորի մրցույթի կայացումը՝ ռեկտորի ժամանակավոր պաշտոնակատար է ընտրվել ճարտարապետության թեկնածու, դոցենտ Նվեր Միքայելյանը:

Իր խոսքում նախագահ Հարությունյանը կարևորել է Շուշիի տեխնոլոգիական համալսարանի դերն Արցախի գիտակրթական ու տեխնոլոգիական զարգացման և հետպատերազմյան շրջանում տնտեսական ներուժի վերականգնման գործում՝ ընդգծելով դասավանդման ժամանակակից մեթոդների գործարկման և ուսանողական կյանքի աշխուժացման նշանակությունը:

Անդրադառնալով անվճար բարձրագույն կրթության ծրագրին՝ երկրի ղեկավարը նշել է, որ Արցախի բուհերի առկա համակարգի բակալավրիատի գրեթե բոլոր ուսանողների համար արդեն իսկ 2020-2021 թթ. ուսումնական տարում կրթությունը եղել է անվճար՝ կառավարության կողմից ուսման վարձավճարների փոխհատուցման եղանակով: Նա հանձնարարել է նախորդ տարվա փորձի հիման վրա սեղմ ժամկետներում ավարտել 2021-2022 թթ. ուստարվա վարձավճարների փոխհատուցման սկզբունքների մշակման ու հաստատման աշխատանքները:

Խոսելով կրթական ոլորտի զարգացման հեռանկարների մասին՝ Արայիկ Հարությունյանը շեշտել է, որ Արցախի բուհերում կրթություն ստանալը որակական առումով պետք է գրավիչ դառնա նաև Հայաստանի Հանրապետությունում և Սփյուռքում ապրող մեր հայրենակիցների համար: Այդ համատեքստում նա հանձնարարել է ոլորտի պատասխանատուներին ծրագրեր մշակել ու իրագործել արցախյան բուհերի որակի բարձրացման, ինչպես նաև ռուսերեն և անգլերեն լեզուներով մասնագիտական առարկաների դասավանդման ուղղությամբ:

Նիստի ընթացքում Նախագահն անդրադարձել է նաև Ստեփանակերտի Ալեքսանդր Գրիբոյեդովի անվան համար 3 ռուսական թեքումով դպրոց ընդունվելու կարգին և ընդգծել, որ, հաշվի առնելով ռուսաց լեզվի դերն արցախցիների կյանքում և դիմորդների թիվը, անհրաժեշտ է ռուսական թեքումով ուսուցումը հասանելի դարձնել բոլոր ցանկացողների համար: Այս ուղղությամբ Նախագահը հանձնարարել է ԱՀ կրթության, գիտության, մշակույթի և սպորտի նախարար Լուսինե Ղարախանյանին մշակել և գործարկել նոր մոտեցումներ՝ ընդլայնելով հայերենին զուգահեռ ռուսերենով դասավանդման հնարավորությունները դպրոցներում:

 

2021-08-25



2022-12-28Նախագահ Հարությունյանն ընդունել է Ազգային ժողովում ներկայացված քաղաքական ուժերի ներկայացուցիչներին
2022-12-26Նախագահ Հարությունյանն ընդունել է Արցախի պահեստազորի սպաների միության մի խումբ անդամների
2022-12-24Նախագահ Հարությունյանը մեծ հանդիպում է ունեցել հանրության ներկայացուցիչների հետ
2022-12-22Հանդիպում ԱՀ Ազգային ժողովում ներկայացված քաղաքական ուժերի ներկայացուցիչների հետ
2022-12-08Նախագահ Հարությունյանի գլխավորած պատվիրակությունը հանդիպել է Փարիզի քաղաքապետի հետ
2022-12-08Արայիկ Հարությունյանի գլխավորած պատվիրակությունը հանդիպել է Ֆրանսիայի Իլ դը Ֆրանս շրջանի նախագահ Վալերի Պեկրեսի հետ
2022-12-07Նախագահ Հարությունյանը Փարիզում հանդես է եկել մամուլի ասուլիսով, հյուրընկալվել «France-24» հեռուստաալիքին
2022-12-01Հանրապետության նախագահն ընդունել է Կիոկուշին կարատեի Եվրոպայի 35-րդ առաջնությանը մասնակցած արցախցի մարզիկներին
2022-11-30Նախագահ Հարությունյանն ընդունել է ԱՀ փաստաբանական պալատի անդամներին
2022-11-19Նախագահ Արայիկ Հարությունյանն ընդունել է «Բարգավաճ Հայաստան» կուսակցության պաշտոնական պատվիրակությանը
2022-10-29Նախագահ Արայիկ Հարությունյանն ընդունել է «Արար» հիմնադրամի ներկայացուցչական պատվիրակությանը
2022-10-29Հանրապետության նախագահի մոտ քննարկվել են արտաքին քաղաքական վերջին զարգացումները
2022-10-24Նախագահ Հարությունյանն ընդունել է բռնցքամարտի Եվրոպայի պատանի չեմպիոն Էրիկ Առստամյանին և նրա մարզիչ Նարեկ Աբրահամյանին
2022-10-21Նախագահ Արայիկ Հարությունյանը հանդիպում է ունեցել ԱՀ նորաստեղծ հանրային խորհրդի կազմի հետ
2022-10-21Նախագահ Հարությունյանն ընդունել է «Արցախի պահեստազորի սպաների միություն» հասարակական կազմակերպության մի խումբ անդամների
2022-10-18Նախագահ Հարությունյանը հանդիպել է ԱԺ պատգամավորների հետ
2022-10-07ԱՀ նախագահ Արայիկ Հարությունյանն ընդունել է «Արարատյան ալյանս» մտքի կենտրոն - ինստիտուտի փորձագետներին
2022-10-03Արցախի Հանրապետության Նախագահը Անվտանգության խորհրդի ընդլայնված նիստ է հրավիրել
2022-09-23Նախագահ Հարությունյանն ընդունել է «Ազատ հայրենիք-ՔՄԴ» խորհրդարանական խմբակցության անդամներին
2022-09-08Արայիկ Հարությունյանն ընդունել է Ռուբեն Վարդանյանին

photo
 
 
photo
 
 
© 2007—2023 ԼՂՀ Նախագահի աշխատակազմ
Made in ArattaDesign