ՀայերենEnglishРусский
 
Վերջին փոփոխությունները` 28/02/2020
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Շնորհավորական ուղերձ Ամանորի եւ Սուրբ Ծննդյան տոների կապակցությամբ

Արցախի Հանրապետության Նախագահ Բակո Սահակյանը դեկտեմբերի 31-ին շնորհավորական ուղերձ է հղել Ամանորի եւ Սուրբ Ծննդյան տոների կապակցությամբ:
Ուղերձում ասված է.
<<Սիրելի՛ հայրենակիցներ,
Թանկագի՛ն բարեկամներ,
Ավարտին է մոտենում 2019 թվականը, եւ մենք՝ բոլորս, նոր հույսերով, բարի ցանկություններով ու սպասելիքներով պատրաստվում ենք դիմավորել գալիք՝ 2020 թվականը:
Բնական է, որ մեր ժողովուրդը առաջին հերթին ցանկանում է խաղաղություն, ցանկանում է ապրել, արարել, ստեղծագործել, շենացնել, զարգացնել ու զորացնել հարազատ երկիրը: Մեզնից յուրաքանչյուրը ցանկանում է երջանիկ ու առողջ տեսնել իր հարազատներին ու բարեկամներին:
Այս ամենը իրականություն դարձնելու կարեւորագույն գրավականը մեր հաղթական Պաշտպանության բանակն է, որի քաջ զինվորներն ու հրամանատարները ամեն վայրկյան, այդ թվում նաեւ այս պահին կանգնած են դիրքերում ու խրամատներում, ապահովում են մեր պետության ու հայրենիքի անվտանգությունը եւ անկախությունը, նրա սահմանների անառիկությունը:
Այս տոնական օրը ուզում եմ նախ եւ առաջ շնորհավորել մեր զինվորներին՝ շարքայինից մինչեւ գեներալ, մաղթել նրանց բարի ծառայություն, քաջառողջություն եւ հաջողություններ:
Ուզում եմ հիշել բոլոր նրանց, ովքեր մարտիրոսվել են հայրենիքի պաշտպանության համար, ովքեր այսօր ֆիզիկապես ներկա չեն իրենց օջախներում եւ ընտանիքներում: Թող Աստված լուսավորի մեր բոլոր նահատակների հոգիները:
Հարգելի՛ բարեկամներ,
2019 թվականը, ընդհանուր առմամբ, հաջող տարի էր մեր երկրի սոցիալ-տնտեսական զարգացման տեսանկյունից: Գրեթե բոլոր ոլորտներում պահպանվել է վերջին տարիներին արձանագրված զարգացման դինամիկան:
Բնական է՝ կան նաեւ շատ անելիքներ: Գալիք տարում մեր ժողովրդի բարեկեցության աստիճանի բարձրացման ուղղությամբ կիրականացվեն մի շարք կարեւոր ծրագրեր բնակարանաշինության, գյուղատնտեսության, առողջապահության, կրթության ու գիտության, մշակույթի, ենթակառուցվածքների եւ այլ ոլորտներում:
2020 թվականը Արցախի համար լինելու է նաեւ քաղաքական գործընթացներով հարուստ տարի, տեղի են ունենալու համապետական նշանակության իրադարձություններ, մասնավորապես՝ նախագահական եւ խորհրդարանական ընտրություններ, ընտրվելու են նոր նախագահ եւ Ազգային ժողով:
Ես ավելի քան վստահ եմ, որ մեր ժողովուրդը, ինչպես միշտ, կցուցաբերի քաղաքացիական բարձր պատասխանատվություն, եւ ընտրությունները կանցնեն արդար, թափանցիկ, ժողովրդավարական սկզբունքներին համահունչ:
Այս ամենի հետ մեկտեղ պետք է ապահովվի պետության բնականոն ու դինամիկ զարգացումը, նախանշված ծրագրերի եւ խնդիրների արդյունավետ լուծումը: Համոզված եմ, որ այդպես էլ կլինի:
Սիրելի՛ հայրենակիցներ,
Սրտանց շնորհավորում եմ բոլորիդ, Արցախի, Հայաստանի եւ սփյուռքի մեր քույրերին ու եղբայրներին Ամանորի եւ Սուրբ Ծննդյան տոների կապակցությամբ:
Թող 2020 թվականը մեր ժողովրդի եւ հայրենիքի համար լինի հաջողություններով լի տարի, եւ իրականանան բոլոր նվիրական իղձերն ու ցանկությունները, մեր ընտանիքներում տիրի սեր ու ջերմություն:
Մաղթում եմ ձեզ քաջառողջություն, երջանկություն, նորանոր հաջողություններ եւ ամենայն բարիք:
Շնորհավոր Ամանոր եւ Սուրբ Ծնունդ>>:

2019-12-31



2020-02-24Գեներալ-մայոր Ջալալ Հարությունյանը նշանակվել է Պաշտպանության նախարար – պաշտպանության բանակի հրամանատար
2020-02-21Իգոր Գրիգորյանին շնորհվել է արդարադատության երրորդ դասի պետական խորհրդականի դասային աստիճան
2020-02-20Շնորհավորական ուղերձ Արցախի վերածննդի օրվա առթիվ
2020-02-10Նախագահ Սահակյանը շնորհավորական ուղերձ է հղել Արցախի հերոս Զորի Բալայանին` ծննդյան 85-ամյակի կապակցությամբ
2020-02-01Նախագահ Բակո Սահակյանն ստորագրել է հրամանագիր
2020-01-28Շնորհավորական ուղերձ Հայրենյաց պաշտպանի օրվա առթիվ
2020-01-09Շնորհավորական ուղերձ Լեւոն Տեր-Պետրոսյանի ծննդյան 75-ամյակի կապակցությամբ
2019-12-31Շնորհավորական ուղերձ Ամանորի եւ Սուրբ Ծննդյան տոների կապակցությամբ
2019-12-26Նախագահ Սահակյանն ստորագրել է հրամանագրեր
2019-12-25Նախագահ Սահակյանն ստորագրել է օրենքներ
2019-12-20Գայանե Առուշանյանն ընդգրկվել է ԼՂՀ կենտրոնական ընտրական հանձնաժողովի կազմում
2019-12-18Նախագահ Սահակյանն ստորագրել է հրամանագիր
2019-12-12Բակո Սահակյանն ստորագրել է օրենքներ
2019-12-10Ուղերձ ԼՂՀ պետական անկախության մասին հանրաքվեի եւ Սահմանադրության օրվա առթիվ
2019-11-21Հրամանագիր 2020 թվականի ձմեռային զորակոչ անցկացնելու եւ զորացրում կատարելու մասին
2019-11-15Գնդապետ Արայիկ Գրիգորյանը նշանակվել է ԱՀ ԱԱԾ տնօրենի առաջին տեղակալ
2019-11-14Նախագահ Սահակյանն ստորագրել է օրենքներ
2019-11-02Շնորհավորական ուղերձ Ամենայն Հայոց Կաթողիկոս Գարեգին Բ-ին
2019-10-31Նախագահ Սահակյանն ստորագրել է հրամանագիր
2019-10-30Ուղերձ «Սահմանելով կրթության նոր տեսլականը» կրթական ֆորումի մասնակիցներին

photo
 
 
photo
 
 
© 2007—2020 ԼՂՀ Նախագահի աշխատակազմ
Made in ArattaDesign