ՀայերենEnglishРусский
 
Վերջին փոփոխությունները` 16/10/2019
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Ուղերձ Ցեղասպանության զոհերի հիշատակի օրվա կապակցությամբ

Արցախի Հանրապետության Նախագահ Բակո Սահակյանն ապրիլի 24-ին ուղերձ է հղել Ցեղասպանության զոհերի հիշատակի օրվա կապակցությամբ:
Ուղերձում ասված է.
«Սիրելի՛ հայրենակիցներ,
Ինչպես ամեն տարի ապրիլի 24-ին, այնպես էլ այսօր մեր ողջ ժողովուրդը սգում եւ ոգեկոչում է Հայոց ցեղասպանության զոհերի հիշատակը, 1,5 միլիոն հայերի, ովքեր սրի քաշվեցին Օսմանյան Թուրքիայի իշխանությունների կողմից: Դա մարդկության դեմ իրականացված ամենասարսափելի ու հրեշավոր ծրագրերից մեկն էր, որը դարձավ խարան հետագա սերունդների համար:
Այս օրը մենք բոլորս միասին ենք՝ Հայաստանում, Արցախում եւ Սփյուռքում, միասին ենք հոգով ու մտքով, բոլորս ծաղիկ ենք խոնարհում մեր սրբադասված նահատակների հիշատակին, բոլորիս սիրտը մղկտում է նույն ցավից ու ցասումից:
Միասնությունն է մեզ դարձնում ավելի ուժեղ ու հաստատակամ, տոկուն ու անսասան՝ Հայրենիքը զորացնելու ու զարգացնելու, հայոց անկախ պետականությունը ամրապնդելու ճանապարհին: Սա է մեր ժողովրդի պայծառ ու լուսավոր ապագայի գրավականը, սա է մեր պատասխանը ցեղասպանություններին:
Մենք խորապես երախտապարտ ենք բոլոր նրանց, ովքեր հայ ժողովրդի կողքին էին այն ծանր օրերին, օգնության ձեռք մեկնեցին հայրենազուրկ, որբ ու անօթեւան մնացած մեր հայրենակիցներին: Երախտապարտ ենք նրանց, ովքեր այսօր էլ մեզ հետ են, իրենց ձայնն են բարձրացնում՝ հանուն Ցեղասպանության ճանաչման ու դատապարտման, մարդու հիմնարար իրավունքների ու ազատությունների պաշտպանության, բարու եւ արդարության հաղթանակի:
Մենք միշտ վառ ենք պահում մեր անմեղ զոհերի հիշատակը եւ այսուհետ էլ կանենք հնարավորը, որպեսզի այլեւս երբեք ողբերգություններ չլինեն, որպեսզի մեր ժողովուրդը տոնի միայն հաղթանակներ»:

2019-04-24



2019-10-05Շնորհավորական ուղերձ Ուսուցչի օրվա առթիվ
2019-10-02Նախագահ Բակո Սահակյանն ստորագրել է օրենքներ
2019-10-01Հրամանագրեր պարգեւատրելու մասին
2019-09-25Ցավակցական հեռագիր ՀՀ նախկին ոստիկանապետ Հայկ Հարությունյանի ընտանիքին
2019-09-21Շնորհավորական ուղերձ ՀՀ Նախագահ Արմեն Սարգսյանին Անկախության օրվա առթիվ
2019-09-21Շնորհավորական ՀՀ վարչապետ Նիկոլ Փաշինյանին Անկախության օրվա առթիվ
2019-09-16Ցավակցական հեռագիր Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա-ին
2019-09-10Շնորհավորական ուղերձ Աբխազիայի Հանրապետության Նախագահ Ռաուլ Խաջիմբային
2019-09-09Շնորհավորական ուղերձ տեղական ինքնակառավարման մարմինների ընտրությունների կայացման առթիվ
2019-09-02Շնորհավորական ուղերձ Արցախի Հանրապետության օրվա առթիվ
2019-08-31Շնորհավորական ուղերձ ԱՀ առաջին եւ ՀՀ երկրորդ նախագահ Ռոբերտ Քոչարյանին
2019-08-28Նախագահ Սահակյանն ստորագրել է հրամանագրեր
2019-08-21Շնորհավորական ուղերձ Ամենայն հայոց կաթողիկոս Գարեգին Բ-ին
2019-08-12Շնորհավորական ուղերձ արտակարգ եւ լիազոր դեսպան Վլադիմիր Կազիմիրովին
2019-08-12Նախագահ Սահակյանն ստորագրել է օրենքներ
2019-08-08Մարինա Սարգսյանը նշանակվել է Հանրային ծառայությունները եւ տնտեսական մրցակցությունը կարգավորող պետական հանձնաժողովի անդամ
2019-07-22Հրամանագրեր Արցախի Հանրապետության քննչական կոմիտեի նախագահի տեղակալներ նշանակվելու մասին
2019-07-17Նախագահ Բակո Սահակյանն ստորագրել է օրենքներ
2019-07-10Ցավակցական հեռագիր գեներալ-մայոր Ֆելիքս Գզողյանի ընտանիքին
2019-07-08Ցավակցական հեռագրեր ՀՀ նախագահին եւ վարչապետին

photo
 
 
photo
 
 
© 2007—2019 ԼՂՀ Նախագահի աշխատակազմ
Made in ArattaDesign