ՀայերենEnglishРусский
 
Վերջին փոփոխությունները` 06/07/2020
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Արայիկ Վլադիմիրի Հարությունյան
Home
/ Նորություններ / Խորհրդակցություններ, նիստեր
 

 
Ձեր էլ. փոստի հասցեն:
 

Խորհրդակցություններ, նիստեր


Նախագահ Սահակյանն Ազգային ժողովի նիստում հանդես է եկել հաղորդմամբ

Արցախի Հանրապետության Նախագահ Բակո Սահակյանն ապրիլի 30-ին Ազգային ժողովի նիստում հանդես է եկել ԱՀ Նախագահի 2019 թվականի ծրագրի կատարման ընթացքի ու արդյունքների եւ 2020 թվականի հունվարից մինչեւ ԱՀ Նախագահի լիազորությունների ավարտը ծրագրի կատարման վերաբերյալ հաղորդմամբ:
Բակո Սահակյանը ներկայացրել է իրականացված աշխատանքներն` ըստ առանձին ուղղությունների, եւ նշել, որ 2019 թվականին հանրապետության կենսագործունեության բոլոր ոլորտներում իրականացվել է մեծածավալ աշխատանք, արձանագրվել են դրական ցուցանիշներ եւ ապահովվել է կայուն առաջընթաց, որի կարեւորագույն ցուցանիշներից է 10,3 տոկոս տնտեսական աճը:
Զեկույցի եզրափակիչ մասում Նախագահ Սահակյանն անդրադարձել է իր պաշտոնավարման ընթացքում Արցախի Հանրապետության զարգացման մի շարք հիմնական ցուցանիշների:
<<Իսկ հիմա անցնեմ 13 տարվա մեր համատեղ աշխատանքի արդյունքները բնորոշող որոշ թվերի եւ ցուցանիշների, ինչի մասին ավելորդ չեմ համարում խոսել այս ամբիոնից:
Իրականացվել է բավականին մեծ աշխատանք, կյանքի են կոչվել ռազմավարական նշանակություն ունեցող տարբեր ծրագրեր: Մեր երկիրն անցել է լուրջ դժվարությունների միջով եւ պատվով հաղթահարել է դրանք:
Ինչպես գիտեք, երկրի սոցիալ-տնտեսական վիճակը բնութագրող ամենակարեւոր ցուցանիշը համախառն ներքին արդյունքն է: 2007 թվականին այն կազմել է մոտ 70,8 միլիարդ դրամ, իսկ 2019-ին գերազանցել է 342 միլիարդ դրամը:
Եթե 2007 թվականին մեկ շնչին ընկնող համախառն ներքին արդյունքը կազմում էր 1490 ԱՄՆ դոլար, ապա անցած տարի այդ ցուցանիշը կազմել է 4 հազար 803 դոլար:
2007 թվականի պետբյուջեի ծավալը կազմում էր 30,8 միլիարդ դրամ: 2020-ին, ինչպես գիտեք, այն կազմեց մոտ 121 միլիարդ դրամ:
Այսպիսինն են 2007 եւ 2019 թվականներին որոշ ոլորտներում արձանագրված ցուցանիշները՝
-արդյունաբերական արտադրանքի ծավալը 22 միլիարդից հասել է 164,5 միլիարդ դրամի,
-գյուղատնտեսության համախառն արտադրանքը 23,8 միլիարդից հասել է գրեթե 70,6 միլիարդ դրամի,
-շինարարության ծավալը 20,8 միլիարդից հասել է 64,6 միլիարդ դրամի,
-արտաքին առեւտրաշրջանառության ծավալը 277,4 միլիոն ԱՄՆ դոլարից հասել է ավելի քան 656 միլիոն դոլարին համարժեք դրամի:
Եթե 2007 թվականին մեր երկրում արտադրվում էր 90,4 միլիոն կիլովատտ/ժամ էլեկտրաէներգիա, ապա 2019 թվականին Արցախի Հանրապետությունից գրեթե այդ չափով էլեկտրաէներգիա միայն արտահանվել է՝ 85,7 միլիոն կիլովատտ/ժամ, իսկ արտադրված էլեկտրաէներգիայի ընդհանուր ծավալը կազմել է 479,3 միլիոն կիլովատտ/ժամ:
Ժողովրդագրական իրավիճակի բարելավմանն ուղղված պետական ծրագրերի իրականացման արդյունքում այս տարիների ընթացքում Արցախի Հանրապետության բնակչությունն ավելացել է ավելի քան 10 հազար մարդով:
Մեր երկրում կառուցվել են ռազմավարական կարեւոր նշանակություն ունեցող ենթակառուցվածքներ: Ավարտին է հասցվել Հյուսիս-Հարավ մայրուղին, կառուցվել է Մարտակերտ-Վարդենիս ավտոմայրուղին, շահագործման են հանձնվել եւ վերանորոգվել բազմաթիվ այլ ճանապարհներ:
Մայրաքաղաք Ստեփանակերտը եւ հանրապետության տասնյակ բնակավայրեր ապահովվել են շուրջօրյա ջրամատակարարմամբ: Փաստ է, որ կերպարանափոխվել են Ստեփանակերտը եւ Շուշին, տարբեր գյուղեր ու քաղաքներ:
Նպատակասլաց աշխատանքներ են իրականացվել արտաքին քաղաքական ոլորտում, մեր երկիրը աշխարհին ճանաչելի դարձնելու գործում: Այսպես՝ 2012 թվականին մեկնարկեց եւ այսօր ընթացքի մեջ է տարբեր երկրների վարչական միավորների կողմից Արցախի Հանրապետության ճանաչման գործընթացը, ակտիվորեն ընթանում է երկկողմ հարաբերությունների զարգացումը:
Շոշափելի արդյունքներ են գրանցել մեր մարզիկները, ովքեր վերջին ժամանակահատվածում գրեթե ամեն տարի տարբեր միջազգային մրցույթներում դարձել են հաղթող կամ մրցանակակիր: Լուրջ արդյունքներ ունենք նաեւ մշակույթի ոլորտում:
Այս տարիների ամենամեծ մարտահրավերը եղել է Ապրիլյան պատերազմը: Պաշտպանության բանակը, մեր ժողովուրդը մայր Հայաստանի եւ Սփյուռքի հետ միասին չեզոքացրին հակառակորդի հանցավոր ծրագրերը, պաշտպանեցին մեր երկրի անկախությունը, անվտանգությունը եւ արժանապատվությունը:
Խոսելով այս ամենի մասին՝ կուզենայի նշել, որ ես հեռու եմ այն մտքից, թե մեզ հաջողվել է լուծել բոլոր խնդիրները, որոնք եղել են մեր պատասխանատվության շրջանակում: Դեռեւս անելիքները շատ են:
Աշխարհը դինամիկ կերպով փոփոխվում է, առաջ են գալիս նոր մարտահրավերներ: Խնդիրները, որոնք կանգնած են մեր առջեւ, ոչ պակաս կարեւոր են ու պատասխանատու, եւ դրանց լուծման համար կպահանջվի առավելագույն ջանքերի գործադրում, մեր ողջ ժողովրդի ներուժի համախմբում: Միայն միասին կարող ենք հաղթահարել դժվարությունները>>, - ընդգծել է Նախագահը:
Բակո Սահակյանը վստահություն է հայտնել, որ հանրապետության նոր իշխանությունները, հենվելով այս տարիների ընթացքում արձանագրված ձեռքբերումների վրա, կշարունակեն, որոշ դեպքերում էլ` կբազմապատկեն դրանք եւ արդյունավետորեն կլուծեն բոլոր խնդիրները՝ ուղղված մեր երկրի սոցիալ-տնտեսական իրավիճակի դինամիկ բարելավմանը, ժողովրդի բարեկեցության մակարդակի շարունակական բարձրացմանը, մեր քաղաքացիների հուսալի անվտանգության ապահովմանը, եւ բոլորին մաղթել խաղաղություն, քաջառողջություն, հաջողություններ եւ արդյունավետ աշխատանք՝ ի փառս մեր հայրենիքի ու ժողովրդի:

2020-04-30



2020-07-06Կխստացվեն միջոցները. Արայիկ Հարությունյանը պարետատան նիստին նոր հանձնարարականներ է տվել
2020-07-03Հանրապետության նախագահը ՊԲ սպաների բնակարանային ապահովության հարցերի շուրջ խորհրդակցություն է հրավիրել
2020-06-30Արցախի Հանրապետության նախագահը ներկայացրել է 2020-2025 թվականների ծրագիրը
2020-06-30Արայիկ Հարությունյանը հրավիրել է աշխատանքային խորհրդակցություն՝ նվիրված գյուղատնտեսության ոլորտում ստեղծված իրավիճակի գնահատմանը և համայնքային խնդիրներին
2020-06-29Հանրապետության նախագահի մոտ քննարկվել է Ստեփանակերտի նոր գլխավոր հատակագիծ ունենալու հարցը
2020-06-25Հանրապետության նախագահի մոտ քննարկվել է Արցախի ներդրումային հիմնադրամի գործունեության ռազմավարությունը
2020-06-24Հանրապետության նախագահի մոտ քննարկվել են Մարտունու շրջանի հիմնախնդիրները
2020-06-22Տեղական արտադրանքը խթանելու համար կառավարությունը պատրաստ է տարբեր գործիքակազմեր կիրառել. նախագահի մոտ աշխատանքային խորհրդակցություն է անցկացվել
2020-06-22Նախագահը խորհրդակցություն է հրավիրել մայրաքաղաքում իրականացվելիք քաղաքաշինական նոր ծրագրերի շուրջ
2020-06-22Արցախի ներդրումային հիմնադրամը նոր գլխավոր տնօրեն ունի. Արայիկ Հարությունյանը ներկայացրել է ռազմավարությունը
2020-06-22Յուրաքանչյուր ընտանիքի՝ առանձին բնակարան. նախագահ Հարությունյանը հանձնարարել է հիփոթեքային կարգում փոփոխություններ անել
2020-06-16ԱՀ նախագահ Արայիկ Հարությունյանը ՊԲ սննդի մատակարարման թեմայով աշխատանքային խորհրդակցություն է անցկացրել
2020-06-15Մեղավորները պատասխանատվության են ենթարկվելու. նախագահ Հարությունյանն անտառներում հայտնված վնասատուների հարցով խորհրդակցություն է հրավիրել
2020-06-12Նոր տիպի կորոնավիրուսային հիվանդության դեմ պայքարի համար Նախագահին առընթեր ստեղծվել է մասնագիտական աշխատանքային խումբ. կայացել է աշխատանքային առաջին խորհրդակցությունը
2020-06-11Յուրաքանչյուր պաշտոնյա պետք է գիտակցի, որ ինքը ծառայում է ժողովրդին ու հայրենիքին. ԱՀ նախագահն ընդլայնված խորհրդակցություն է անցկացրել
2020-06-11Նախագահը հրավիրել է բերքահավաքին նվիրված խորհրդակցություն
2020-06-11Խորհրդակցություն՝ նվիրված հանրապետությունում խմելու ջրի խնդրին
2020-06-11Խորհրդակցություն՝ նվիրված նոր տիպի կորոնավիրուսի դեմ պայքարի միջոցների խստացմանը
2020-06-08Արցախ մուտքի թույլտվություն կունենան միայն կորոնավիրուսի թեստի բացասական արդյունքով քաղաքացիները
2020-06-04Արայիկ Հարությունյանը գլխավոր դատախազի պաշտոնի համար Խորհրդարանի քննարկմանը կներկայացնի Մհեր Աղաջանյանի թեկնածությունը

photo
 
 
photo
 
 
© 2007—2020 ԼՂՀ Նախագահի աշխատակազմ
Made in ArattaDesign