Արցախի Հանրապետության նախագահ Արայիկ Հարությունյանը Հայաստանի Հանրապետության վարչապետ Նիկոլ Փաշինյանի հետ միասին օգոստոսի 29-ին  այցելել է «Բեյզ Մեթըլս» ընկերության Կաշենի լեռնահանքային համալիր:
Այցի ընթացքում ընկերության պատասխանատուները Արայիկ Հարությունյանին ու Նիկոլ Փաշինյանին են ներկայացրել իրականացվող աշխատանքները, ինչպես նաև գործարանի հզորությունների ընդլայնմանն ուղղված հեռանկարային ծրագրերը:
Նախագահը Հարությունյանը նշել է, որ հանքարդյունաբերության զարգացումը հանդիսանում է Արցախի տնտեսության առանցքային ուղղություններից մեկը, և Կաշենի հարստացուցիչ ֆաբրիկայի վերջին ձեռքբերումները ժամանակակից տեխնոլոգիաների կիրառման արդյունքում նպաստելու են ոչ միայն երկրի սոցիալ-տնտեսական իրավիճակի հետագա բարելավմանը, այլև տնտեսության մի շարք ոլորտների զարգացմանը:

2020-08-29