Մայիսի 19-ին ԼՂՀ Նախագահ Բակո Սահակյանի մոտ տեղի է ունեցել խորհրդակցություն` նվիրված կառավարության աշխատանքների արդյունավետության բարձրացման հարցերին:
Նախագահը նշել է, որ այդ գործընթացը պետք է իրականացվի երկու փուլով. առաջին փուլը կներառի կառուցվածքային, իսկ երկրորդը` հաստիքային բարեփոխումներ:
Միաժամանակ երկրի ղեկավարն ընդգծել է, որ որոշումներ կայացնելիս պետք է հաշվի առնել համապատասխան մասնագետների տեսակետները` հիմնված բազմակողմանի եւ համապարփակ վերլուծությունների վրա:
Խորհրդակցությանը մասնակցում էին ԼՂՀ վարչապետը եւ պաշտոնատար այլ անձինք:

2008-05-19