Լեռնային Ղարաբաղի Հանրապետության հռչակման 18-րդ տարեդարձի կապակցությամբ Նախագահ Բակո Սահակյանի մոտ սեպտեմբերի 1-ին տեղի է ունեցել պարգեւատրման հանդիսավոր արարողություն:
      Նախագահը պետական պարգեւներ հանձնեց ԼՂՀ Պաշտպանության բանակի մի խումբ սպաների եւ շարքայինների, ազատամարտիկների, տարբեր ոլորտներ ներկայացնող անվանի մասնագետների:
     Շնորհավորելով ներկաներին տոնի կապակցությամբ` երկրի ղեկավարը բարձր է գնահատել նրանց ներդրումը Արցախի անկախ պետականության պաշտպանության, ամրապնդման, կայացման ու զարգացման գործում:
     Պարգեւատրման հանդիսավոր արարողությանը ներկա էին ԼՂՀ առողջապահության նախարար Արմեն Խաչատրյանը, ԼՂՀ կառավարությանն առընթեր սպորտի պետական կոմիտեի նախագահ Ռազմիկ Հովսեփյանը:

2009-09-01