ԼՂՀ Նախագահ Բակո Սահակյանը դեկտեմբերի 17-ին Ասկերան շրջկենտրոնում հանդիպում է ունեցել ԼՂՀ ոստիկանության ճանապարհային ոստիկանության վարչության անձնակազմի հետ:
Երկրի ղեկավարը դրական է գնահատել ճանապարհային ոստիկանության աշխատանքը` ամենամեծ նվաճումը համարելով հասարակությունում կառույցի հեղինակության բարձրացումը, ինչը հետեւողական ու սկզբունքային աշխատանքի արդյունք է:
Բակո Սահակյանն ընդգծել է, որ ճանապարհային ոստիկանության տեխնիկական հագեցվածությունը եւ ծառայողների սոցիալական պայմանների բարելավումը աշխատանքի որակի բարձրացման կարեւոր նախապայմաններից է եւ մշտապես գտնվում է իշխանությունների ուշադրության կենտրոնում:
Հանդիպմանը մասնակցում էին ԼՂՀ ոստիկանության պետ Ռոբերտ Շաֆերյանը, գլխավոր դատախազ Արշավիր Ղարամյանը, Ասկերանի շրջվարչակազմի ղեկավար Վահրամ Բաղդասարյանը եւ պաշտոնատար այլ անձինք:

2009-12-17