Արցախի Հանրապետության Նախագահ Բակո Սահակյանը մարտի 26-ին ընդունել է Հայաստանի Հանրապետության արդարադատության նախարարության դատական ակտերի հարկադիր կատարման ծառայության պատվիրակությանը` հանրապետության գլխավոր հարկադիր կատարող Միհրան Պողոսյանի գլխավորությամբ:
Հանդիպման ընթացքում քննարկվել են երկու հայկական պետությունների համապատասխան ծառայությունների միջեւ համագործակցության ընդլայնմանը վերաբերող հարցեր:
Երկրի ղեկավարը կարեւորել է դատական ակտերի հարկադիր կատարումն ապահովող ծառայությունների` որպես դատաիրավական ոլորտի հանգուցային օղակներից մեկի դերը արդարադատության իրականացման գործում:
Հանդիպմանը ներկա էին ԼՂՀ արդարադատության նախարար Նարինե Նարիմանյանը եւ հանրապետության գլխավոր հարկադիր կատարող Սամվել Շահրամանյանը:

2010-03-26