Արցախի Հանրապետության Նախագահ Բակո Սահակյանը մայիսի 22-ին ընդունել է Սլովակիայի խորհրդարանի անդամ,   խորհրդարանի նախկին խոսնակ Ֆրանտիշեկ Միկլոշկոյին եւ Սլովակիայի հայ համայնքի ղեկավար Աշոտ Գրիգորյանին, ովքեր հանրապետություն են ժամանել խորհրդարանական ընտրություններում դիտորդական առաքելություն իրականացնելու նպատակով:
     Երկրի ղեկավարը բարձր է գնահատել Սլովակիայի անաչառ մոտեցումը մեր հանրապետության համար այս կարեւորագույն իրադարձության կապակցությամբ, ինչի լավագույն դրսեւորումներից է նման փորձառու քաղաքական գործչի ներկայությունը Արցախի ԱԺ ընտրություններում:
     Ֆրանտիշեկ Միկլոշկոն իր հերթին ընդգծել է, որ մեծ կարեւորություն է տալիս մեր հանրապետությունում ժողովրդավարության զագգացմանը, հավելելով, որ Եվրոպայի ճակատագիրը որոշվում է Արցախում:
     Հանդիպման ընթացքում քննարկվել են նաեւ տարածաշրջանում տեղի ունեցող գործընթացներին եւ ադրբեջանա-ղարաբաղյան հակամարտությանը վերաբերող հարցեր:

2010-05-22