Արցախի Հանրապետության Նախագահ Բակո Սահակյանը հունիսի 9-ին ընդունել է Արցախում գտնվող Ֆրանսիայի խորհրդարանի մի խումբ պատգամավորների:
      Հանդիպման ընթացքում քննարկվել է երկկողմ հարաբերությունների, ադրբեջանա-ղարաբաղյան հակամարտության կարգավորման եւ Արցախի ներքին կյանքին վերաբերող հարցերի լայն շրջանակ:
Երկրի ղեկավարն ընդգծել է, որ Ֆրանսիայի հետ համագործակցության ընդլայնումը մեր հանրապետության արտաքին քաղաքականության կարեւոր ուղղություններից մեկն է:
      Նախագահը բարձր է գնահատել Ֆրանսիայի դերակատարությունը ադրբեջանա-ղարաբաղյան հակամարտության կարգավորման եւ տարածաշրջանում կայունության պահպանման գործում:
       Երկուստեք նշվել է փոխգործակցության ընդլայնման անհրաժեշտությունը եւ խորհրդարանական դիվանագիտության կարեւորությունը:
Հանդիպմանը մասնակցում էին Արցախի Հանրապետության Ազգային ժողովի նախագահ Աշոտ Ղուլյանը, պաշտոնատար այլ անձինք:

2010-06-09