Դեկտեմբերի 8-ին ԼՂՀ Նախագահ Բակո Սահակյանի մոտ տեղի է ունեցել խորհրդակցություն` նվիրված դատաիրավական համակարգում տիրող իրավիճակին եւ ընթացող բարեփոխումներին:
    Նախագահը կարեւորել է դատական դեպարտամենտի ինստիտուտի կայացման անհրաժեշտությունը, որը կնպաստի ոլորտում աշխատանքների արդյունավետության բարձրացմանը:
    Բակո Սահակյանն ընդգծել է դատարիավական համակարգում համապատասխան բարոյահոգեբանական մթնոլորտի ձեւավորմանն ուղղված աշխատանքների շարունակման, ինչպես նաեւ այդ մարմիների տարեկան աշխատանքների հրապարակային ամփոփման անհրաժեշտությունը:
    Երկրի ղեկավարը նշել է, որ պետք է արագացնել դատական մարմինները Շուշի քաղաք տեղափոխելու նպատակով իրականացվող աշխատանքները:
    Խորհրդակցությանը ներկա էին դատաիրավական մարմինների ղեկավարները, ԼՂՀ ֆինանսների նախարարը, պաշտոնատար այլ անձինք:

2008-12-08