Արցախի Հանրապետության Նախագահ Բակո Սահակյանը մայիսի 31-ին ընդունել է հայտնի տնտեսագետ, Ռուսաստանի Դաշնության գիտությունների ակադեմիայի ակադեմիկոս Աբել Աղանբեկյանին եւ նրան ուղեկցող անձանց:
      Հանդիպմանը քննարկվել է Արցախի կենսագործունեության տարբեր ոլորտների ներկա վիճակի եւ զարգացման հեռանկարների հետ կապված հարցերի լայն շրջանակ:
     Աբել Աղանբեկյանը պատրաստակամություն է հայտնել ըստ ամենայնի աջակցել հանրապետության տնտեսական համալիրի հետագա զարգացմանը:
     Հանդիպմանը ներկա էին Արցախի Հանրապետության փոխվարչապետ, ֆինանսների նախարար Սպարտակ Թեւոսյանը, պաշտոնատար այլ անձինք, ինչպես նաեւ գրող-հրապարակախոս Զորի Բալայանը:

2010-05-31