Արցախի Հանրապետության Նախագահ Բակո Սահակյանը դեկտեմբերի 9-ին ընդունել է Հայաստանի գրողների միության անդամ Արտեմ Հարությունյանին, սփյուռքահայ գրողներ Պետրս Սուրյանին եւ Արամ Արքունին:
Հանդիպման ընթացքում քննարկվել են գրականության բնագավառում Հայաստան-Արցախ-Սփյուռք համագործակցությանն առնչվող հարցեր:
Երկրի ղեկավարն ընդգծել է, որ գրականության բնագավառը համահայկական ինտեգրացիոն գործողությունների կարեւորագույն ոլորտներից մեկն է, որը մեծապես նպաստում է մատաղ սերնդի հայեցի դաստիարակությանն ու հայկական ինքնության պահպանմանը:
Բակո Սահակյանը նշել է, որ համահայկական գրական միասնական դաշտի զարգացման գործում կարեւոր է պետության, ինչպես նաեւ հասարակական սեկտորի ջանքերի համադրումը:
Հանդիպմանը մասնակցում էին Արցախի Հանրապետության կրթության եւ գիտության նախարար Վլադիկ Խաչատրյանը եւ Արցախի գրողների միության նախագահ Վարդան Հակոբյանը:

2010-12-09