Նախագահ Բակո Սահակյանը սեպտեմբերի 5-ին ընդունել է բարերար Արթուր Վարժապետյանին:
Հանդիպմանը քննարկվել են Արցախում տարբեր բարեգործական ծրագրերի իրականացման հետ կապված հարցեր:
Բակո Սահակյանը բարերարին պարգեւատրել է <<Երախտագիտություն>> մեդալով` բարձր գնահատելով նրա ավանդը մեր հանրապետությունում տարբեր ծրագրերի իրականացման գործում:
Այնուհետեւ երկրի ղեկավարը մայրաքաղաք Ստեփանակերտի Վերածննդի հրապարակում մասնակցել է սոցիալական ծրագրերի իրականացման շրջանակներում մեքենաների հանձնման հանդիսավոր արարողությանը:
Միջոցառմանը ներկա էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Աժ խոսնակ Աշոտ Ղուլյանը, վարչապետ Արա Հարությունյանը, ՌԴ-ում ՀՀ արտակարգ եւ լիազոր դեսպան Օլեգ Եսայանը, պաշտոնատար այլ անձինք:

2011-09-05