Արցախի Հանրապետության Նախագահ Բակո Սահակյանը սեպտեմբերի 3-ին մասնակցել է Ստեփանակերտի թիվ 2 մանկապարտեզի վերանորոգված մասնաշենքի բացման հանդիսավոր արարողությանը:
Նախագահը կարեւորել է հանրապետությունում եւ մայրաքաղաքում նախադպրոցական ցանցի ընդլայնումն ու զարգացումը, միջազգային չափանիշներին համապատասխան մանկապարտեզների առկայությունը` դա համարելով հանրապետությունում մատաղ սերնդի կրթության եւ դաստիարակության կարեւորագույն հիմքերից մեկը:
Նախագահ Սահակյանը երախտագիտություն է հայտնել <<Բեյզ Մետալս>> ընկերությանը` մանկապարտեզի վերանորոգման աշխատանքները ֆինանսավորելու համար:
Արարողությանը մասնակցում էին փոխվարչապետ Սպարտակ Թեւոսյանը, պաշտոնատար այլ անձինք:

2011-09-03