Արցախի Հանրապետության Նախագահ Բակո Սահակյանը հունիսի 7-ին այցելել է Ասկերանի շրջանի Խաչեն գյուղ եւ մասնակցել Արցախում <<Հալո Տրաստ>> կազմակերպության գործունեության 10-ամյա հոբելյանին նվիրված հանդիսավոր միջոցառմանը, որին ներկա էր նաեւ Մեծ Բրիտանիայի խորհրդարանի Լորդերի պալատի փոխոսնակ Քերոլայն Քոքսը:
   Երկրի ղեկավարը երախտագիտություն է հայտնել կազմակերպությանը` նրա ծավալած աշխատանքի համար` այն համարելով կարեւոր մարդասիրական առաքելություն:
   Այնուհետեւ Նախագահ Սահակյանը Խաչեն գյուղի միջնակարգ դպրոցում հանդիպում է ունեցել ուսուցչական կազմի հետ: Հանդիպման ընթացքում քննարկվել են դպրոցական բարեփոխումներին վերաբերող մի շարք հարցեր:
   Այցի ընթացքում Նախագահին ուղեկցում էին Արցախի Հարապետության պաշտպանության նախարար Մովսես Հակոբյանը եւ պաշտոնատար այլ անձինք:

2010-06-07