Արցախի Հանրապետության Նախագահ Բակո Սահակյանը ՀՀ Նախագահ Սերժ Սարգսյանի հետ միասին հունվարի 5-ին այցելել է Ասկերանի շրջանի Խնապատ գյուղում տեղակայված տոհմային կայան եւ ծանոթացել այնտեղ իրականացվող աշխատանքներին:
Այնուհետեւ նախագահները ուղեւորվել են Մարտակերտի շրջան:
Բակո Սահակյանը եւ Սերժ Սարգսյանը ծանոթացել են Մարտակերտ շրջկենտրոնի նոր հիվանդանոցի պայմաններին, որից հետո մեկնել են Մաղավուզի քարածխի հանք եւ տեղում ծանոթացել այնտեղ իրականացվող աշխատանքներին:
Նույն օրը նախագահները մասնակցել են նաեւ "Թրղի-2'' ՀԷԿ-ի բացման հանդիսավոր արարողությանը:
Բակո Սահակյանը նշել է, որ Մաղավուզի հանքավայրի շահագործումը եւ Արցախում նոր հիդրոէլեկտրակայանների կառուցումը նոր որակ կհաղորդի հանրապետության սոցիալ-տնտեսական զարգացմանը եւ էներգետիկ ինքնաբավությանը` ընդգծելով, որ Ղարաբաղի բոլոր ձեռքբերումների հիմքում ընկած է Հայաստան-Արցախ-Սփյուռք եռամիասնությունը, որի շարունակական ամրապնդումը մեր պետականության հիմնասյուներից մեկն է:
Նախագահներին ուղեկցում էին վարչապետ Արա Հարությունյանը, պաշտոնատար այլ անձինք:

2012-01-05