Արցախի Հանրապետության Նախագահ Բակո Սահակյանը մայիսի 4-ին ընդունել է կառավարության նախաձեռնությամբ կազմակերպված սեմինար-դասընթացներին մասնակցող մի խումբ համայնքների ղեկավարների:
Նախագահ Սահակյանը կարեւորել է այդ ծրագրի իրականացումը, նշելով, որ տեսական եւ գործնական գիտելիքների համադրումը դրականորեն կազդի համայնքի ղեկավարների աշխատանքի վրա:
Հանդիպմանը արծարծվել են նաեւ համայնքներում առկա խնդիրները եւ դրանց լուծման ուղիները:
Հանդիպմանը ներկա էր Արցախի Հանրապետության փոխվարչապետ Արթուր Աղաբեկյանը, պաշտոնատար այլ անձինք:

2013-05-04