Նախագահ Բակո Սահակյանը հուլիսի 31-ին հրավիրել է աշխատանքային խորհրդակցություն՝ նվիրված հանրապետության գյուղատնտեսության ոլորտում առկա խնդիրներին:
Հատուկ ուշադրություն է դարձվել բերքահավաքի եւ բնական աղետներից տուժած տարածքների հողօգտագործողներին պետական աջակցություն տրամադրելու գործընթացներին:
Համապատասխան տեղեկատվություններով հանդես են եկել գյուղատնտեսության նախարարը եւ շրջվարչակազմերի ղեկավարները:
Կարեւորելով բերքահավաքի անկորուստ իրականացումը, բնական աղետների հետեւանքների հնարավորինս արագ վերացումն ու փոխհատուցման տրամադրումը՝ Նախագահ Սահակյանը կոնկրետ հանձնարարականներ է տվել համապատասխան մարմինների ղեկավարներին այն պատշաճ մակարդակով կազմակերպելու համար:
Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք:

2014-07-31