Նախագահ Սահակյանը Լոս Անջելեսում այցելել է «ԱԱ Քաթըր Թրաք» գործարան
Արցախի Հանրապետության Նախագահ Բակո Սահակյանը նոյեմբերի 27-ին Լոս Անջելես քաղաքում այցելել է «ԱԱ Քաթըր Թրաք» գործարան եւ ծանոթացել այնտեղ իրականացվող աշխատանքներին: Գործարանի սեփականատեր Վահե Կարապետյանի հետ հանդիպման ժամանակ քննարկվել են ձեռնարկության եւ Արցախի միջեւ փոխգործակցության հաստատմանն առնչվող հարցեր: Նախագահ Սահակյանը կարեւորել է ժամանակակից տեխնոլոգիաների կիրառումն Արցախում` այս համատեքստում հատուկ ընդգծելով Սփյուռքի հետ կապերի խորացման ռազմավարական նշանակությունը: